22 April 2008

Incendi de la mosqueta de Colomièrs: non a l'intolerància religiosa!

Iniciativa per Occitània, lo laboratòri politic, cultural e social occitan, condemna amb fòrça e energia l'incendi criminal de la mosqueta de Colomièrs (forécia de Tolosa, Lengadòc).

Se, de segur, combatèm totes los fanatismes, quines que sián, nòstre laboratòri apara la libertat religiosa, confòrma a las valors occitanas de tolerància e de dialòg intercultural, fondamentalas dins nòstra civilizacion dempuèi l'Edat Mejana.

Exprimissèm doncas nòstre sosten total als musulmans occitans de Colomièrs e d'endacòm mai, que lor cal garentir los dreches de practicar dignament sa religion en seguretat, e rebutam tota islamofobia.

L'Occitània que volèm bastir, diferenta de l'ideologia francesa uniformizadoira, respectarà totas las cresenças e las non-cresenças e encoratjarà lo respècte mutual dels cresents e non-cresents.

FREE OCCITÀNIA!
Lo 21 d'abril de 2008,
Iniciativa per Occitània

No comments:

Post a Comment