Iniciativa per Occitània, lo laboratòri politic, cultural e social, denóncia las taussas excessivas que los Estats Units impausan a l’importacion del ròcafòrt. Lo ròcafòrt es un dels nòstres formatges occitans mai celèbres dins lo Mond e es victima de las garrolhas economicas entre l’Union Europèa e los Estats Units.
Lo ròcafòrt fa viure una indústria de plusors milierats de personas dins la region occitana de Roergue e dins de regions vesinas. Sa comercializacion als Estats Units representa una part importanta de son mercat. Amb de taussas excessivas, lo mercat american del ròcafòrt risca de s’afondrar e de metre en perilh un sector remarcable de nòstra economia occitana.
Cridam los abitants d’Occitània e totes los amics de nòstre país a sosténer lo ròcafòrt en ne crompant regularament, tant coma pòdon. Crompar de ròcafòrt, aquò’s crompar roergàs, aquò’s crompar occitan.
Cridam tanben la consciéncia civica dels ciutadans americans per que protèsten contra las taussas excessivas sul ròcafòrt. La guèrra americana contra lo ròcafòrt pòrta prejudici a Occitània, qu’es la minoritat etnica e lingüistica mai granda d’Euròpa.
Free Occitània!
Iniciativa per OccitàniaLo 18 de genièr de 2009
Segon lo sindicat dels fabricants de ròcafòrt, las ventas d'aqueste formatge als EEUU representa sonque 2.5 % del total.
ReplyDeleteSeriá temps que los fabricants de ròcafòrt se desrevelhèsson en tot cercar de mercats nòus, per exemple en China (ah, las vertuts afrodisiacas ben conegudas del ròcafòrt!...) , India...
Se'n fotem dels EEUU, en realitat.
Soi meilèu d'acòrdi... Publiquèri lo comunicat çaquelà perdequé sabiái pas cossí parlar d'aquel afar. En realitat pensi coma tu que pèrdre lo 2% de las ventas es negligible. E fin finala son los praubes americans que s'autopunisson en se privar d'aquel fromatge tan saborós.
ReplyDeleteÇaquelà pensi que lo ròcafòrt seriá de dòl vendre en China: als chineses li agrada pas lo fromatge!